📢 နယူးဇီလန်ရဲ့ ဘဏ္ဍာရေးနှစ်သစ် (New Financial Year) ဧပြီလ (၁) ရက်နေ့မှာ ဘာတွေသိထားသင့်လဲ? 🇳🇿📅

နှစ်စဥ် ၄ လ ပိုင်း ၁ ရက်နေ့ကစပြီး နယူးဇီလန်မှာ ဘဏ္ဍာရေးနှစ်သစ် စတင်ပါတယ်။ အလုပ်လုပ်ကိုင်နေသူတိုင်းအတွက် မိမိရဲ့ ဝင်ငွေနဲ့ အခွန် (Tax) အကြောင်း သေချာနားလည်ထားဖို့ အရေးကြီးတဲ့ အချက်လေးတွေကို ဝေမျှပေးချင်ပါတယ်။ ✨💸

🔹🔹🔹🔹🔹

၁။ အလုပ်နှစ်ခုလုပ်ရင် အခွန်နှုန်းထားက ပိုများလား? 💼

အလုပ်တစ်ခုတည်းလုပ်တာဖြစ်ဖြစ်၊ အလုပ်နှစ်ခု (Second Job) လုပ်တာဖြစ်ဖြစ် အခွန်နှုန်းထားက "စုစုပေါင်းဝင်ငွေ (Total Income)" ပေါ်မှာပဲ မူတည်ပါတယ်။ အလုပ်နှစ်ခုလုပ်လို့ အခွန်ပိုဆောင်ရတယ်ဆိုတာထက်၊ စုစုပေါင်းဝင်ငွေများလာလို့ သတ်မှတ်ထားတဲ့ အခွန်နှုန်းထားအလွှာ (Tax Bracket) ထဲ ရောက်သွားတာမျိုးပါ။

နယူးဇီလန်ရဲ့ အခွန်စနစ်က အလွှာလိုက်သတ်မှတ်ထားတာဖြစ်ပါတယ် (Progressive Tax System)။ ဝင်ငွေအားလုံးကို နှုန်းထားတစ်ခုတည်းနဲ့ တွက်တာမဟုတ်ဘဲ အောက်ပါအတိုင်း အဆင့်ဆင့်ခွဲခြားတွက်ချက်တာပါ -

📊 လက်ရှိ အခွန်နှုန်းထားအလွှာများ (Tax Brackets):
👉 $0 – $15,600 အထိ = 10.5%
👉 $15,601 – $53,500 အကြား = 17.5%
👉 $53,501 – $78,100 အကြား = 30%
👉 $78,101 – $180,000 အကြား = 33%
👉 $180,001 အထက် = 39%
(မှတ်ချက် - အထက်ပါနှုန်းထားများအပြင် မတော်တဆထိခိုက်မှုအာမခံ (ACC Levy) အတွက် ၁.၅၃% ခန့်လည်း အပိုဆောင်းနှုတ်ယူလေ့ရှိပါတယ်။)

ဥပမာအားဖြင့် -
👉 ပထမဆုံးဝင်ငွေ $14,000 အထိကို 10.5% ပဲဆောင်ရပြီး၊
👉 $14,001 ကနေ $48,000 အကြား ဝင်ငွေကိုတော့ 17.5% စသဖြင့် အဆင့်ဆင့် တိုးသွားတာဖြစ်ပါတယ်။

ဒါကြောင့် ဝင်ငွေများလေလေ၊ အထက်အလွှာက နှုန်းထားနဲ့ ကိုက်ညီတဲ့ အစိတ်အပိုင်းအတွက် အခွန်ပိုဆောင်ရလေလေ ဖြစ်ပါတယ်။

🔹🔹🔹🔹🔹

၂။ Uber မောင်းသူများ၊ ကိုယ်ပိုင်လုပ်ငန်း (Self-employed) နဲ့ အလွတ်တန်းအလုပ် (Freelancer) များအတွက် 🚗💻

ကိုယ်ပိုင်လုပ်ငန်းလုပ်ကိုင်သူတွေအနေနဲ့ လုပ်ငန်းနဲ့ပတ်သက်ပြီး ကုန်ကျတဲ့စရိတ်တွေကို စီးပွားရေးကုန်ကျစရိတ်များ (Business Expenses) အဖြစ် ပြန်နှုတ်ပြီး အခွန်လျှော့ပေါ့ (Tax Deduction) နိုင်ပါတယ်။

👉 ဥပမာ - ဆီဖိုး (Petrol)၊ လျှပ်စစ်ခ (Electricity) နဲ့ အင်တာနက်ဖိုး စတာတွေကို စာရင်းသေချာမှတ်ထားပြီး အခွန်ပြန်ခုလို့ရပါတယ်။ ကုန်ကျစရိတ် အထောက်အထား၊ ပြေစာတွေကိုတော့ ကြိုစုထားဖို့လိုပါတယ်။

🔹🔹🔹🔹🔹

၃။ ရင်းနှီးမြှုပ်နှံမှုမှ ရရှိတဲ့ဝင်ငွေ (Investment Income Tax) 📈

အစုရှယ်ယာ (Shares) ဒါမှမဟုတ် တခြားရင်းနှီးမြှုပ်နှံမှုတွေကနေ ရရှိတဲ့ အမြတ်ငွေတွေအပေါ်မှာလည်း အခွန် (Tax on Investment Income) ဆောင်ရပါတယ်။ ဒါကိုလည်း မိမိရဲ့ တစ်နှစ်တာ ဝင်ငွေစာရင်းထဲမှာ ထည့်သွင်းစဉ်းစားရမှာ ဖြစ်ပါတယ်။

🔹🔹🔹🔹🔹

၄။ အခွန်ပြန်အမ်းငွေ (Tax Refund) ဒါမှမဟုတ် ထပ်ဆောင်းအခွန် (Tax Debt) 💰

ပုံမှန်အားဖြင့် ၅ လပိုင်းဝန်းကျင်လောက်မှာ အစိုးရ (IRD) က ပြီးခဲ့တဲ့နှစ်အတွက် အခွန်စာရင်းတွေကို အလိုအလျောက် တွက်ချက်ပေးလေ့ရှိပါတယ်။ အဲဒီအခါမှာ အခွန်ပိုဆောင်ထားမိရင် အခွန်ပြန်အမ်းငွေ (Tax Refund) ရရှိမှာဖြစ်ပြီး၊ လိုအပ်ရင်တော့ အခွန်ထပ်ဆောင်း (Tax Debt) ပေးဆောင်ရမှာဖြစ်ပါတယ်။

ဒါကြောင့် အစိုးရက စာရင်းမတွက်ပေးခင်မှာ ကိုယ့်ဘက်က ကြိုတင်သိရှိနိုင်ဖို့နဲ့ ပြင်ဆင်ထားနိုင်ဖို့အတွက် အခု တင်ပေးထားတဲ့ လင့်ခ်အဆက် (Link) မှာ မိမိရဲ့ ဝင်ငွေကို ရိုက်ထည့်ပြီး အလွယ်တကူ စစ်ဆေးကြည့်နိုင်ပါတယ် 👇

-
🔗 အခွန်တွက်ချက်စက် (Tax Calculator): https://kiwitax.co.nz/tax-calculator/income-tax-calculator/

ငွေကြေးစီမံခန့်ခွဲမှုမှာ အခွန်အကြောင်း သိထားခြင်းက အစကောင်းခြင်းတစ်မျိုးပါပဲ။ အားလုံးပဲ အဆင်ပြေကြပါစေ! ✨

မှ သွန်းသစ်သူ🌼

#NewFinancialYear #NZTax #IncomeTax #SelfEmployed #InvestmentTax #BurmeseInNZ #financialplanning