🇳🇿✈️နယူးဇီလန် သွားမယ့်သူများအတွက် အရေးကြီးတဲ့ ပစ္စည်းသယ်ယူရေး လမ်းညွှန် ✈️🇳🇿

 နယူးဇီလန်နိုင်ငံဟာ သဘာဝပတ်ဝန်းကျင်နဲ့ ဂေဟစနစ်ကို တန်ဖိုးထားတယ့်အတွက် လေဆိပ်အကောက်ခွန်ဦးစီးဌာန (Customs) နဲ့ ဇီဝလုံခြုံရေး (Biosecurity) မှာ စစ်ဆေးတာ အတင်းကျပ်ဆုံးနိုင်ငံမှာ ပါဝင်ပါတယ်။ ဒါပေမယ့်လဲ သူတို့ အဓိကကြည့်တဲ့အချက်တွေကို နားလည်ပြီး တားမြစ်ထားတာတွေကို ရှောင်ရှားနိုင်ရင်တော့ အဲ့လောက်သိပ်မခက်ခဲပါဘူး။

သူတို့ အဓိကကြည့်တဲ့အချက်တွေကတော့ - 

✅ လူနဲ့ ပတ်ဝန်းကျင်အတွက် အန္တရာယ်ရှိလား? （ပိုးမွှား၊ ရောဂါရှိ/မရှိ)

✅ စီးပွားဖြစ် ရောင်းဖို့လား? (Commercial use) 

✅ အခွန်ရှောင်မှု ရှိလား?

💡"အရေးကြီးဆုံးကအကောက်ခွန်ဦးစီးကို တင်ပြ (Declare ) ဖို့ပါ"။ မသိလို့ပဲဖြစ်ဖြစ်၊ မတော်တဆပဲဖြစ်ဖြစ် ပစ္စည်းတစ်ခုခုပါလာပြီး တင်ပြခြင်း (Declare ) မလုပ်ရင် အနည်းဆုံး NZ$400 ချက်ချင်းဒဏ်ငွေဆောင်ရပါမယ်။ 

ဒါကြောင့်အောက်ပါအချက်တွေကို သေချာစစ်ဆေးပြီးမှ ထုပ်ပိုးမယ်ဆိုရင်တော့ အထောက်အကူပြုပါလိမ့်မယ်။

🔹🔹🔹🔹🔹

1️⃣ အစားအသောက်၊ အပင်နှင့် တိရိစ္ဆာန်ထွက်ပစ္စည်းများ (Food, Plants & Animal Products) 🥩🍯

• လုံးဝမရတာ - အသားစို (Fresh Meat)၊ သစ်သီးစို (Fresh Fruits)၊ ဟင်းသီးဟင်းရွက်၊ အပင်ရှင်များ၊ အပင်ပေါက်နိုင်သောအစေ့အဆံများ၊ အပင်အရှင်၊ သစ်ဥသစ်ဖုများ။

•  အသားထုတ်ကုန် - ဝက်သား (Pork) ပါဝင်သော အစားအစာဆိုရင် အစိုဖြစ်စေ၊ အခြောက်ဖြစ်စေ (ဥပမာ- ဝက်အူချောင်း) လုံးဝ လုံးဝမရပါ။ * အခြောက်အခြမ်းနှင့် စည်သွပ်ဘူး: ငါးခြောက်၊ ပုစွန်ခြောက်၊ အသင့်စားမုန့်များ သယ်လို့ရပါတယ်။ စက်ရုံထုတ် (Commercial Packaging) ပါရင် အကောင်းဆုံးပါ။ (မှတ်ချက်- အိမ်ချက်ဟင်းများကို တင်ပြ (Declare) လုပ်နိုင်သော်လည်း သိမ်းဆည်းခံရတတ်သဖြင့် စက်ရုံထုတ်ကိုပို အားပေးပါတယ်။)

• သစ်သားထည်များ - သစ်သားနဲ့လုပ်ထားတဲ့ ပစ္စည်းတွေဆိုရင်တော့ ပိုးမွှားပါလာနိုင်လားလို့ စစ်ဆေးပါလိမ့်မယ်။ အပူပေး၊ အချောသပ် (ဆေးသုတ်) ထားသော (Varnished/Painted) ပစ္စည်းဆိုရင် အကောင်းဆုံးပါ။

• သစ်သီးခြောက်တွေ၊ လက်ဖက်ခြောက်တွေ ပါလာရင်လည်း တင်ပြခြင်းစာရွက် (Declare Form) မှာ အပင်ထွက်ပစ္စည်း"Plant products" ကို အမှန်ခြစ်ပါ။ 

2️⃣ ဆေးဝါးများ (Medicine) 💊

• ကိုယ်တိုင်သောက်ရန် ဆေးဝါးများကို ၃ လစာထက်ပိုမသယ်ပါနဲ့။ ဆေးဘူးပေါ်မှာ အင်္ဂလိပ်လို နာမည်ပါရပါမယ်။ 

• ဆရာဝန်လက်မှတ် (Prescription) ပါလာရင် အကောင်းဆုံးပါ။ 

• တိုင်းရင်းဆေး - တိရိစ္ဆာန်အစိတ်အပိုင်း (ဥပမာ- သမင်ချို၊ ကတိုး) ပါဝင်သော ဆေးဝါးများကို  တားမြစ်နိုင်ပါတယ်။

3️⃣ အပြင်သွားဖိနပ်နှင့် စခန်းချပစ္စည်းများ (Outdoor Gear & Shoes) 🥾

• ဒါက လူအများစု မေ့တတ်တဲ့အချက်ပါ။ တောင်တက်ဖိနပ်၊ စခန်းချပစ္စည်း (Tent) တွေမှာ မြေကြီး (Soil) သို့မဟုတ် မြက်ခြောက် တွေ ကပ်ပါမလာပါစေနဲ့။

• မသန့်ရှင်းရင် ပိုးသတ်ခိုင်းတာ ဒါမှမဟုတ် သိမ်းလိုက်တာမျိုး လုပ်တတ်ပါတယ်။ ဖိနပ်က တောင်တက်ထားတယ်ဆိုရင် အိမ်ကမထွက်ခင် သေချာဆေးကြောခဲ့ပါ။

4️⃣ အဖိုးတန်ပစ္စည်းနှင့် ငွေကြေး (Valuables & Cash) 💰

• ငွေသား - နယူးဇီလန်ဒေါ်လာ $10,000 (သို့မဟုတ် တန်ဖိုးတူ နိုင်ငံခြားငွေ) ထက်ပိုပါရင် တင်ပြ (Declare) ရပါမယ်။ ငွေအမြောက်အမြား သယ်လာပါက ငွေကြေးရရှိသည့် အထောက်အထား (Source of Funds) (ဥပမာ-  လစာစာရွက်များ၊ ဘဏ်ထုတ်စာရွက်၊ အိမ်ရောင်းထားသည့် စာချုပ်) နှင့် အသုံးပြုမည့် အကြောင်းပြချက် (Purpose of Use) (ဥပမာ- ကျောင်းလခပေးရန်၊ အိမ်ဝယ်ရန်) တို့ကို ပြင်ဆင်လာပါ။ မပြနိုင်ရင် ငွေတွေကို သိမ်းဆည်းခံရနိုင်ပါတယ်။ 

• စုစုပေါင်းတန်ဖိုး NZ$1,000 ထက်ကျော်တဲ့ ပစ္စည်းအသစ်များ (နာရီ၊ တန်ဖိုးကြီးအိတ်များ (Brand)၊ ရွှေ၊ လက်ဝတ်ရတနာ) ပါလာရင် တင်ပြ (Declare) ရပါမယ်။ ဝယ်ထားတဲ့ ပြေစာ (Receipt) ရှိရင် အကောင်းဆုံးပါ။

•  ကိုယ်တိုင်သုံးပစ္စည်း (Personal Use) ဖြစ်တဲ့ Laptop, Camera တွေကတော့ ဘာမှမဖြစ်ပါဘူး။

---

💡 အကြံပြုချက် (Must-Know Tips)

• သံသယရှိရင် တင်ပြပါ (If in doubt, Declare) - တင်ပြခြင်းစာရွက် (Declare Form) ဖြည့်တဲ့အခါ "Yes" လို့ ဖြေခဲ့ရင် ပစ္စည်းမရရင်တောင် ဒဏ်ငွေမထိပါဘူး။

• အမှန်အတိုင်းပြောပါ - အကောက်ခွန်ဦးစီး (Customs) တွေ မေးတာကို စိတ်ရှည်ရှည်နဲ့ အမှန်အတိုင်း ဖြေပါ။

• ဘာတွေသယ်လို့ရလဲ၊ မရလဲဆိုတာ အသေးစိတ်ကို ဒီမှာ ကြည့်လို့ရပါတယ် - https://www.mpi.govt.nz/.../check-if-you-can-bring-or...

    
• မသေချာပါကပုံနဲ့တကွတင်ပြပြီး ဒီမှာ ကြိုတင်မေးမြန်းနိုင်ပါတယ် - https://service.customs.govt.nz/hc/en-us/requests/new

အားလုံးပဲ နယူးဇီလန် ခရီးစဉ်မှာ အဆင်ပြေချောမွေ့ကြပါစေ💙

မှ သွန်းသစ်သူ🌼

#NewZealand #NZ #TravelGuide #TravelNZ #Customs #Biosecurity #MyanmarInNZ #နယူးဇီလန် #ခရီးသွား #လေယာဉ် #မြန်မာ #အကောက်ခွန် #Declare #TravelTips #Auckland #Wellington #Christchurch #NZLife #မြန်မာများအတွက် #နယူးဇီလန်ခရီးသွားလမ်းညွှန်