🎇 နယူးဇီလန်မှာ မီးရှူးမီးပန်းတွေကို နိုဝင်ဘာလ (၂) ရက်ကနေ (၅) ရက်နေ့အထိပဲ ဝယ်ယူခွင့်ရှိတယ်ဆိုတာ သိပြီးပြီလား?

🎇 နယူးဇီလန်မှာ မီးရှူးမီးပန်းတွေကို နိုဝင်ဘာလ (၂) ရက်ကနေ (၅) ရက်နေ့အထိပဲ ဝယ်ယူခွင့်ရှိတယ်ဆိုတာ သိပြီးပြီလား?

🔥  ဒီရက်တွေအတွင်းမှာ ဝယ်လို့ရတဲ့ အကြောင်းရင်းက လွန်ခဲ့တဲ့ နှစ်ပေါင်း (၄၀၀) ကျော်က ဗြိတိသျှ သမိုင်းဝင်ဖြစ်ရပ်တစ်ခုနဲ့ ဆက်စပ်နေပါတယ် - အဲဒါကတော့ Guy Fawkes Night (ဂိုင်းဖော့ခ်စ်ည / မီးပုံပွဲည) ပေါ့။

🔹🔹🔹🔹🔹

၁၆၀၅ ခုနှစ်မှာ အင်္ဂလန်မှာ ဂိုင်းဖော့ခ်စ် (Guy Fawkes) နဲ့ သူ့အပေါင်းအပါတွေဟာ "ယမ်းမှုန့်ကြံစည်မှု" (Gunpowder Plot) ကို စီစဉ်ခဲ့ပြီး၊ ပါလီမန်အစည်းအဝေးလုပ်နေတုန်း ယမ်းမှုန့်တွေ ဖောက်ခွဲပြီး ဘုရင်ကို လုပ်ကြံဖို့ ကြိုးစားခဲ့ပါတယ်။ ဒါပေမဲ့ ကြံစည်မှုက မအောင်မြင်ဘဲ ဖမ်းမိခံခဲ့ရပါတယ်။

အဲဒီအချိန်ကစပြီး အင်္ဂလိပ်လူမျိုးတွေဟာ နှစ်စဉ် နိုဝင်ဘာလ (၅) ရက်နေ့ ညနေမှာ၊ မီးပုံတွေ မီးရှို့၊ မီးရှူးမီးပန်းတွေ ပစ်ဖောက်ပြီး၊ "ဘုရင် ဘေးကင်းလုံခြုံမှု" ကို ဂုဏ်ပြုဆင်နွှဲကြသလို၊ ဂိုင်းဖော့ခ်စ်ကို နည်းနည်း သရော်တဲ့ သဘောလည်း ပါဝင်ပါတယ်။

🔹🔹🔹🔹🔹

🇳🇿 နယူးဇီလန်ရဲ့ ဆက်ခံမှုနဲ့ ပြောင်းလဲမှုများ

ဗြိတိသျှကိုလိုနီနယ်မြေဟောင်းဖြစ်တဲ့ နယူးဇီလန်ဟာ ဒီဓလေ့ကို ဆက်ခံခဲ့ပြီး ဥပဒေအရ -

📅 နှစ်စဥ် နိုဝင်ဘာလ (၂) ရက်နေ့ကနေ (၅) ရက်နေ့အတွင်းမှာသာ မီးရှူးမီးပန်း ရောင်းချခွင့်ရှိပါတယ်။ နေရာအများစုမှာလဲ ဒီရက်တွေအတွင်းမှာပဲ ပစ်ခွင့်ရှိပါတယ်။ 

🔹🔹🔹🔹🔹

🎆 ဘယ်နေရာတွေမှာ မီးရှူးမီးပန်းတွေ ပစ်လို့ရလဲ။

✅ "တရားဝင် ပုဂ္ဂလိက မြေပေါ်မှာသာ" ခွင့်ပြုပါတယ် — ဥပမာ ကိုယ်ပိုင်ခြံနောက်ဖေး

🚫 လူနေများတဲ့နေရာမှာဆိုလျှင် များသောအားဖြင့် အထူးခွင့်ပြုချက် လျှောက်ထားဖို့ လိုအပ်ပါတယ်။

🚫 မီးရှို့ခွင့်ပိတ်ပင်ထားသည့်ကာလ၊ လေပြင်းတိုက်သည့်နေ့ သို့မဟုတ် ခြောက်သွေ့ရာသီ များတွင်လည်း ပစ်ဖောက်ခွင့် တားမြစ်ထားပါတယ်။

🔹🔹🔹🔹🔹

ဒေသအစိုးရတော်တော်များများက ကန့်သတ်တာ၊ ဒါမှမဟုတ် တားမြစ်တာတွေလုပ်ရတဲ့ အကြောင်းရင်းတွေကတော့-

🔥 မီးဘေးအန္တရာယ် မြင့်မားတာ (အထူးသဖြင့် နွေရာသီ ခြောက်သွေ့တဲ့အခါ)

🐶 အိမ်မွေးတိရစ္ဆာန်နဲ့ တောရိုင်းတိရစ္ဆာန်တွေ လန့်သွားနိုင်ပြီး အန္တရာယ်ဖြစ်နိုင်လို့ပါ။

ဒါကြောင့် ၁၉၉၀ မတိုင်ခင်က တစ်နှစ်ပတ်လုံးနီးပါး ဝယ်လို့ရခဲ့ပေမဲ့၊ နောက်ပိုင်းမှာအစိုးရက ဥပဒေကို တင်းကြပ်ပြီး ဒီရက်အနည်းငယ်သာ ခွင့်ပြုလိုက်တာပါ။

🔹🔹🔹🔹🔹

အခုအချိန်မှာ အစိုးရက လုံခြုံရေးနဲ့ ပတ်ဝန်းကျင်ထိန်းသိမ်းရေးတွေကြောင့်၊ ရိုးရာမီးရှူးမီးပန်းပွဲတွေအစား "အသံမဲ့ မီးရှူးမီးပန်း" ဒါမှမဟုတ် "အလင်းရောင်ရှိုးပွဲ" တွေနဲ့ အစားထိုးလာကြပါတယ်။

ညတွေမှာ တိတ်ဆိတ်တဲ့ နယူးဇီလန်မှာ ဒီရက်တွေအတွင်း မီးရှူးမီးပန်းအသံတွေကြားရင် မလန့်သွားနဲ့ဦးနော်။

မှ သွန်းသစ်သူ🌼

#GuyFawkesNight #FireworksNZ #BonfireNight #နယူးဇီလန်